Коронавирус инфекцияси билан боғлиқ
тиббий масалалар бўйича Call-марказ
1003
eye
Уйда қолинг! / Оставайтесь дома! Уйда қолинг! / Оставайтесь дома! Уйда қолинг! / Оставайтесь дома! Уйда қолинг! / Оставайтесь дома!

Янгиликлар

19.07.2020

2020 йил 19 июль соат 18:00 ҳолатига кўра, Ўзбекистонда коронавирус инфекцияси қайд этилганлар сони 16 607 (+178) нафарни ташкил этмоқда.

Янги касалланиш ҳолатларининг 65 нафари Карантин марказидаги (барчаси хориждан келган) фуқаролар орасида, 113 нафари Тошкент шаҳрида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Бугун айни пайтга қадар Тошкент шаҳридаги тиббиёт муассасаларида 26 нафар, Сирдарё вилоятида 14 нафар ҳамда Андижон вилоятида 11 нафар, жами 51 нафар бемор тузалди.

Шундай қилиб юртимизда 9 178 (+51) нафар коронавирус инфекциясига чалинган фуқаролар (55 фоиз) соғайган.

‼️Ҳозирда мамлакатимизда 7 344 нафар беморга шифокорларимиз томонидан белгиланган стандартлар бўйича даво чоралари кўрилмоқда. 

19.07.2020

КОРОНАВИРУСГА ЧАЛИНГАН ПОЙТАХТЛИК 47 ЁШЛИ БЕМОР ЎТКИР НАФАС ВА ЮРАК ҚОН-ТОМИР ЕТИШМОВЧИЛИГИДАН ВАФОТ ЭТДИ

Тошкент шаҳри Шайхонтоҳур туманида яшаган 47 ёшли М.К. (аёл)да жорий йил 5 июль куни “COVID-19” тасдиқланган ва у Тошкент тиббиёт академияси кўп тармоқли клиникаси реанимация бўлимига ётқизилган.

Унга “COVID-19” инфекцияси, юрак ишемик касаллиги ташхиси қўйилган. Хасталик ўткир респиратор дисстрес синдром, нафас ва ўткир юрак қон-томир етишмовчилиги, полиорган етишмовчилиги асоратлари билан кечган. Шунингдек, беморда гипертония ҳамроҳ касаллиги бўлган.

Шифохонада беморнинг даволаниши давомида шифокорлар томонидан онлайн консультация ва консилиумлар қилинган, даволаш жараёни мутахассислар тавсияси асосида олиб борилган. 

Бироқ шифокорлар томонидан стандартлар асосида ўтказилган реанимацион муолажаларга қарамасдан беморнинг аҳволи кескин оғирлашиб, ўткир нафас ва юрак қон-томир етишмовчилигидан вафот этган.

19.07.2020

2020 йил 19 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 16429 (+243) нафарни ташкил этмоқда.  

Янги касалланиш ҳолатларининг 45 нафари Карантин марказидаги (барчаси хориждан келган) фуқаролар орасида, 77 нафари Тошкент шаҳрида тана ҳарорати кўтарилганлиги туфайли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 36 нафари Андижон вилоятида, 22 нафари Наманган вилоятида, 18 нафари Тошкент вилоятида, 17 нафари Бухоро вилоятида, 15 нафари Сирдарё вилоятида, 9 нафари Самарқанд вилоятида, 3 нафари Сурхондарё вилоятида ҳамда 1 нафари Жиззах вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Айни пайтда юртимизда 9127 нафар коронавирус инфекциясига чалинган фуқаролар (56 фоиз) соғайган.
 
‼️Ҳозирда мамлакатимизда 7218 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 72 нафари оғир, 21 нафари эса ўта оғир аҳволда. 

19.07.2020

Шу йилнинг 18 июль куни мамлакатимизда 579 ҳолатда касаллик қайд этилган. Шундан 138 нафари Карантин муассасаларида, 441 нафари коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шу билан бирга, бугун Тошкент шаҳрида 2 нафар, Сирдарё ва Тошкент вилоятларида 1 нафардан, жами 4 нафар коронавирусга чалинган бемор вафот этди.

Аввал хабар қилганимиздек, бугун Тошкент шаҳри, Наманган, Андижон ҳамда Навоий вилоятларидаги тиббиёт муассасаларида 124 нафар бемор соғайди.

Ҳозирда касаллик қайд этилган жами 16186 нафар бемордан 9127 нафари соғайиб, даволаниш кўрсаткичи 56 фоизни ташкил этмоқда.

Айни пайтда тиббиёт муассасаларида даволанаётган 6976 нафар бемордан 71 нафари оғир, 21 нафари эса ўта оғир аҳволда.

‼️Ҳозирда мамлакатимизда уй карантинида 60 552 нафар, стационар карантинда эса 22 871 нафар фуқаро тиббий кузатувда бўлиб турибди.

406

19.07.2020

2020 йил 18 июль соат 23:30 ҳолатига кўра, Ўзбекистонда коронавирус инфекцияси қайд этилганлар сони 16186 (+118) нафарни ташкил этмоқда.

Янги касалланиш ҳолатларининг 40 нафари Карантин марказидаги фуқаролар (барчаси хориждан келган) орасида, 31 нафари Тошкент шаҳрида тана ҳарорати кўтарилганлиги туфайли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 25 нафари Бухоро вилоятида ҳамда 22 нафари Сирдарё вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Эътиборли жиҳати, бугун Тошкент шаҳридаги тиббиёт муассасаларида 31 нафар, Наманган вилоятида 55 нафар, Андижон вилоятида 33 нафар ҳамда Навоий вилоятида 5 нафар, жами 124 нафар бемор тузалди.

Шундай қилиб юртимизда 9127 (+124) нафар коронавирус инфекциясига чалинган фуқаролар (56 фоиз) соғайган.

 ‼️Ҳозирда мамлакатимизда 6976 нафар беморга шифокорларимиз томонидан белгиланган стандартлар бўйича даво чоралари кўрилмоқда. 

18.07.2020

КОРОНАВИРУСГА ЧАЛИНГАН БЕМОР ЎТКИР ЮРАК ҚОН-ТОМИР, НАФАС ВА ПОЛИОРГАН ЕТИШМОВЧИЛИГИДАН ВАФОТ ЭТДИ

Тошкент вилоятининг Зангиота туманида яшаган 55 ёшли У. А. (эркак) 16 июль куни Зангиота туманидаги “Назарбек” юқумли касалликлар шифохонасига ўта оғир аҳволда олиб келинган.

Беморда COVID-19 инфекциясининг ўта оғир кечиши ва икки томонлама пневмониянинг ўткир респиратор дистресс синдроми, ўткир нафас ва юрак қон-томир етишмовчилиги, полиорган етишмовчилиги асоратлари кузатилган.

Беморга мутахассислар томонидан онлайн консультация ва консилиумлар ўтказилган, даволаш жараёни белгиланган стандартлар асосида олиб борилган.

17 июль куни ҳамроҳ касалликлар фонида касаллик асоратлари ҳисобига аҳволи кескин оғирлашган бемор,  мутахассислар томонидан тўлиқ ҳажмда, стандарт асосида ўтказилган реанимацион чораларга қарамасдан,  ўткир юрак қон-томир ва нафас етишмовчилигининг 4-даражаси ҳамда полиорган етишмовчилигидан вафот этган.

18.07.2020

КОРОНАВИРУСГА ЧАЛИНГАН СИРДАРЁЛИК БЕМОР ЎТКИР ЮРАК ҚОН-ТОМИР ВА НАФАС ЕТИШМОВЧИЛИГИДАН ВАФОТ ЭТДИ

Гулистон туманида яшаган 69 ёшли Т. С. (эркак)да 11 июль куни COVID-19 тасдиқланган ва Сирдарё вилоят юқумли касалликлар шифохонасининг реанимация бўлимига ётқизилган.

Беморга миокард инфаркти, COVID-19 инфекцияси, икки томонлама пневмония ташхиси қўйилган. Мутахассислар томонидан онлайн консультация ва консилиумлар ўтказилган, даволаш жараёни белгиланган стандартлар асосида олиб борилган.

Бундан аввал 29 июнь куни бемор миокард инфаркти ташхиси билан Гулистон тумани марказий шифохонасида даволанган. Шунингдек, беморда гипертония касаллигининг ва семизликнинг 3-даражалари борлиги аниқланган.

Ушбу ҳамроҳ касалликлар фонида ташхис қўйилган касаллик асоратлари ҳисобига аҳволи кескин оғирлашган бемор, мутахассислар томонидан тўлиқ ҳажмда, стандарт асосида ўтказилган реанимацион чораларга қарамасдан, ўткир юрак қон-томир ва нафас етишмовчилигидан вафот этган.

18.07.2020

2020 йил 18 июль соат 17:00 ҳолатига кўра, Ўзбекистонда коронавирус инфекцияси қайд этилганлар сони 16068 (+172) нафарни ташкил этмоқда.

Янги касалланиш ҳолатларининг 60 нафари Карантин марказидаги (барчаси хориждан келган) фуқаролар орасида, 87 нафари Тошкент шаҳрида, 22 нафари Тошкент вилоятида, 1 нафардан Самарқанд, Сурхондарё ва Сирдарё вилоятларида профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Айни пайтда юртимизда 9003 нафар коронавирус инфекциясига чалинган фуқаролар (56 фоиз) соғайган.

‼️Ҳозирда мамлакатимизда 6984 нафар беморга шифокорларимиз томонидан белгиланган стандартлар бўйича даво чоралари кўрилмоқда. 

18.07.2020

КОРОНАВИРУСГА ЧАЛИНГАН ЯНА БИР БЕМОР ЎТКИР ЮРАК ҚОН-ТОМИР ВА НАФАС ЕТИШМОВЧИЛИГИДАН ВАФОТ ЭТДИ

Шайхонтаҳур туманида яшаган 49 ёшли А. А. (эркак)да 14 июль куни COVID-19 тасдиқланган ва Вирусология илмий текшириш институти  клиникасига ётқизилган.

Унга COVID-19 инфекциясининг ўта оғир кечиши, икки томонлама пневмония ташхиси қўйилган. Беморда гипертония, артериал гипертензия каби ҳамроҳ касалликлар ҳам аниқланган. 

Беморга мутахассислар томонидан онлайн консультация ва консилиумлар ўтказилган, даволаш жараёни белгиланган стандартлар асосида олиб борилган.

17 июль куни мутахассислар томонидан тўлиқ ҳажмда, стандарт асосида ўтказилган реанимацион чораларга қарамасдан, гипертония ва артериал гипертензия каби ҳамроҳ касалликлар фонида беморнинг аҳволи кескин оғирлашиб, ўткир юрак қон-томир ва нафас етишмовчилигининг 4-даражаси ҳамда полиорган етишмовчилигидан вафот этди.

18.07.2020

МАХСУС КОМИССИЯ АХБОРОТИ

Фармацевтика маҳсулотларини Ўзбекистон Республикасидан экспорт қилиш, шунингдек жисмоний шахслар томонидан уларни олиб чиқиш вақтинча тўхтатилади.

Шу билан бирга, айрим турдаги фармацевтика маҳсулотларини экспорт қилиш фақат махсус комиссия қарорлари асосида амалга оширилади. Фармацевтика маҳсулотларини экспорт қилиш учун рухсат бериш тартиби кейинроқ эълон қилинади.

18.07.2020

2020 йил 16 июль ҳолатига кўра, ПЗР усулида лаборатор текширувларни олиб бораётган нодавлат тиббиёт ташкилотлари рўйхати

1. «TIBBIYOT DUNYOSI» МЧЖ
Асосий манзил: Тошкент шаҳри,  Чилонзор-1, Гагарин кўчаси, 11-уй; Филиал: Тошкент шаҳри, Дарвоза кўчаси, 340-уй.
   71 277-00-69;
       71 277-50-90;
Фақат ташкилот ва идоралар учун

2. «VITROS DIAGNOSTICS» МЧЖ 
Асосий манзил: Тошкент шаҳри, Олмазор тумани, Форобий кўчаси, 2-А уй, Филиал манзили: Тошкент шаҳри, Чилонзор тумани, квартал Ц, 6-А уй.71 203-00-77;
 71 200-50-02;
      95 198-00-91;
      95 196-00-91;
Аҳоли учун

3. «GENOTEXNOLOGIYA» МЧЖ
Тошкент шаҳри, Шайхонтоҳур тумани, Ғунча дарвозаси кўчаси, 42-уй.
 93 545-02-56; 
      93 376-80-51;
Аҳоли, ташкилот ва идоралар учун

4. «SWISS LAB» МЧЖ
Тошкент шаҳри, Олмазор тумани, Широқ кўчаси, 100-уй. 
 97 722-77-88;
Аҳоли, ташкилот ва идоралар учун

5. «HI-TECH LABORATORIES” МЧЖ.
Тошкент шаҳри, Бектемир тумани, Х.Бойқаро кўчаси, 51-уй. 
 71 295-08-08; 
      71 295-00-14;
Аҳоли, ташкилот ва идоралар учун

6. «РАRIZODA MEDICAL SERVICE» Х/К.
Самарқанд вилояти, Самарқанд шаҳри, М.Улуғбек кўчаси, 72-уй.
 90 212-40-33
Аҳоли учун

7. “Гемо-тест” Х/К.
Навоий вилояти, Нурота тумани, У.Юупов кўчаси, 32А уй. 
 79 220-30-15
Аҳоли, ташкилот ва идоралар учун

8. «THE FREE-JOY MEDICAL LABORATORY» МЧЖ
Фарғона вилояти, Фарғона шахар 23-MFY ISTIQLOL 4A. 
91 126-30-40  
Аҳоли, ташкилот ва идоралар учун

9. «Мурод мед стар» Х/К
Қашқадарё вилояти, Қарши шаҳри, И.Каримов кўчаси, 238-уй.
 90 345 74 47
Аҳоли, ташкилот ва идоралар учун

18.07.2020

“COVID-19” ИНФЕКЦИЯСИНИ АНИҚЛАШ ҲАМДА ДАВОЛАШНИ ХОҲЛОВЧИ НОДАВЛАТ ТИББИЁТ ТАШКИЛОТЛАРИ ДИҚҚАТИГА!

Маълумки, юртимизда нодавлат тиббиёт ташкилотларига пуллик асосда “COVID-19” инфекциясини аниқлаш ҳамда ўз шифохонасида даволашга расмий рухсат берилди.

Ушбу  инфекциясини аниқлаш ёки даволашда нодавлат тиббиёт ташкилотларига қўйиладиган асосий талаб бу - тегишли санитария талабларига жавоб берадиган шароитни яратиш ҳамда коронавирус инфекциясини аниқлаш ёки даволаш билан боғлиқ фаолиятлари бўйича тегишли маълумот (ҳисобот)ларни ваколатли органларга тақдим этиб бориш ҳисобланади, холос.

“COVID-19” инфекциясини полимер занжирли реакция (ПЗР) усулида текширишни хоҳловчи хусусий тиббиёт ташкилотлари Қорақалпоғистон Республикаси, вилоятлар ва Тошкент шаҳар санитария-эпидемиологик осойишталиги марказларига, даволашни хоҳловчи хусусий тиббиёт ташкилотлари эса Қорақалпоғистон Республикаси Соғлиқни сақлаш вазирлиги, вилоятлар ва Тошкент шаҳар соғлиқни сақлаш бошқармаларига мурожаат қилишлари мумкин.

Ушбу ташкилотларда нодавлат тиббиёт ташкилотлари билан “COVID-19” инфекциясини аниқлаш ва даволашда талаб этиладиган санитария маъёрларига риоя қилиш ҳамда бу борадаги фаолият бўйича тегишли маълумотларни тақдим этиб бориш юзасидан шартнома имзоланади. 

“COVID-19” инфекциясини серологик усуллар (иммунофермент (ИФА) ва иммунохемилюминесцент (ИХЛА)) ёрдамида текширишни хоҳловчи хусусий тиббиёт ташкилотлари таҳлилларни лицензия билан рухсат этилган клиник лаборатория ихтисослигининг ИФА йўналиши доирасида амалга оширадилар. Бу ташкилотлар билан қўшимча шартнома имзолаш талаб этилмайди. 

ИФА ва ИХЛА усулларида серологик текширувларни амалга оширишни хоҳлаган хусусий тиббиёт ташкилотлари ушбу йўналишдаги фаолиятини бошлаётганлигини маълум қилувчи расмий хатни ҳамда мазкур текширувлар тўғрсидаги ҳар кунлик ҳисоботларини Соғлиқни сақлаш вазирлигининг info@minzdrav.uz электрон манзилига тақдим этишлари керак, холос.